LE ANIME PRESENTI
Anime giocano a Buela.
Entrano a nascondersi Manuele Margherita Cirivieddru Clementina.
Si intravede Vecchio seduto a terra in un angolo appartato.
Entra Cristofalu a cercarli, si accorge di Madre che dorme
Cristofalu -Chi belli carni,
chi belli capiddri
Clementina -Ni ricanusci?
Manuele -Cunta cunta,
chi munnu lassasti?
Margherita -Susiti, c’è to’ patri,
‘unn’u vo viriri a to’ patri?
Cirivieddru -Ti pirdisti?e bonu facisti
(esce)
Manuele -L’acqua camina
u cielu camina
e caminamu nuatri
tutti cuosi caminanu
Clementina -Nuatri
quannu vuatri ca siti vivi
rurmiti,
n’arruspigghiamu,
e chi facemu?…
(esce)
Vecchio -…nienti!
Manuele -(in proscenio)
Semu a stu munnu,.
er’è comu s’un ci fussimu…
A mia mi pigghiavanu pi scimunitu picchì rireva sempri…
io na’ me’ vita è statu sempri allegru,
a mia mi piaceva ririri e friscari…
puru quannu muriu me patri:
tutti chiancevanu…
puru quannu murivu io,
chiffà chianceva ?…
mi curcavu
mi fici a santa cruci
no ca manu, c’on mi putia catamiari,
cu pinsieru,
e aspittava…
e ora u viri cca,
allegru era
e allegru sugnu…
compare Clementina con berretto militare e treccia bionda.
entra Matteo con la premura di continuare a cercare “l’uscita”…
Cristofalu -(indicando Matteo)
Iddru è vivu,
ma è comu si fussi mortu,
iddru u sapi, ca vosi arristari cu nuatri…
si nesci, muori.
Io mi chiamu Cristofalu:
‘un ci rava cunfirenza a nuddru…
Anime sbattono pietre
…lassatimi parrari
Matteo -Prima Clementina c’arrivò prima ri tia
Cristofalu -Tu si’ vivu e ‘un ti po’ mmiscari!
Lascia un commento